རང་ཡུལ་དུ་རྩ་བ་ཚུགས། །རིག་གནས་ཀྱི་ཞིང་ས་རྨོ། །

བོད་ལྗོངས་མཐུན་པ་སྤུན་བཞི་རིག་གནས་ཁྱབ་སྤེལ་ཚད་ཡོད་ཀུང་སི་ནི་རིག་གནས་ཡུལ་སྐོར་བློ་འདྲི་དང་། རིག་གནས་ཡུལ་སྐོར་འཆར་འགོད། རིག་གནས་ཞབས་ཞུ། རིག་གནས་གསར་གཏོད་ཞིབ་འཇུག རིག་གནས་ཇུས་འགོད་བཅས་གཞི་གཅིག་ཏུ་འདུས་པའི་ཆེད་ལས་རིག་གནས་ལས་ཁུངས་ཤིག་རེད། ཀུང་སིར་འཐུས་སྒོ་ཚང་བའི་གཉེར་སྐྱོང་ཚོགས་པ་དང་དངོས་སྦྱོང་ཉམས་མྱོང་ལྡན་པ་དང་། ཆེད་ལས་ཀྱི་རིག་གནས་ཞིབ་འཇུག་དང་དེ་བཞིན་མངོན་མིན་རིག་གནས་ཤུལ་བཞག་གི་བློ་འདྲིའི་ཚོགས་པ་ཡོད་པ། སྲིད་གཞུང་གི་ཚན་པ་དང་། ལས་ཁུངས། ཁེ་ལས་སོགས་ཀྱི་རིག་གནས་རྣམ་གྲངས་ནང་ཞུགས་མྱོང་ཡོད། ལས་གཏོད་བྱས་ནས་ད་བར་ཀུང་སིས“བརྗོད་དོན་གཙོ་བོའི་མཆོག་ཏུ་འཛིན་པ་དང་བོད་ཀྱི་རིག་གནས་དར་སྤེལ་གཏོང་བ”འདི་འགན་འཁྲི་དང་ལས་འགན་ལ་བརྩིས་ནས། “རང་ཡུལ་དུ་རྩ་བ་ཚུགས་ནས་རིག་གནས་ཀྱི་ཞིང་ས་རྨོ”བཞིན་ཡོད། དངོས་གཉེར། ཡར་བརྩོན། ལས་ཆོད་ཆེ་བ་བཅས་ཀྱི་ལས་ཀའི་རྣམ་འགྱུར་ལ་བརྟེན་ནས་མཉམ་ལས་སྡེ་ཚན་གྱི་རྒྱབ་སྐྱོར་དང་ཡིད་ཆེས་ཐོབ་ཡོད། ཀུང་སི་ནི་མིག་སྔར་ལྷ་ས་གྲོང་ཁྱེར་མཐོ་སློབ་སློབ་ཐོན་བྱ་གཞག་གསར་གཏོད་མཐུན་ཚོགས་ཀྱི་ཚོགས་གཙོ་གཞོན་པའི་ཚན་པ་དང་། ལྷ་ས་གྲོང་ཁྱེར་ཐང་གའི་རིག་གནས་མཐུན་ཚོགས་དང་བོད་ལྗོངས་རྒྱན་གོས་མཐུན་ཚོགས་ཀྱི་རྒྱུན་ལས་ཚོགས་གཙོ་གཞོན་པའི་ཚན་པ། བོད་རང་སྐྱོང་ལྗོངས་ཀྱི་ཚན་རྩལ་རྣམ་པའི་ཁེ་ལས་འབྲིང་ཆུང་། བོད་ལྗོངས་སློབ་ཆེན་དང་སི་ཁྲོན་སློབ་ཆེན་གྱི་སློབ་གྲྭ་དང་ཁེ་ལས་ཀྱི་མཉམ་ལས་ཚན་པ་བཅས་རེད། 2023ལོར་མཉམ་འབྲེལ་གསར་འཛུགས་པ་བསྟན་པ་བསམ་གྲུབ་ལ“ལྷ་ས་གྲོང་ཁྱེར་གྱི་མཐོ་སློབ་སློབ་ཐོན་སློབ་མའི་ལས་གཏོད་དཔེ་བཟང་བ་བཅུའི”མཚན་སྙན་ཐོབ་པ་རེད།